ДУШАНБЕ, 19 июн — Sputnik. Рӯзномаи машҳури туркӣ Hurriyet матолибе дар мавриди мубталошавии ҳамсари Зеленский ба маризии коронавирус чоп намуд.
Аммо иштибоҳан ба ҳайси ҳамсари президент акси ҳунарманд ва сарояндаи маъруфи Русия Вера Брежневаро мунташир намуд.
Дар сайти расмии рӯзнома ин мавод рӯзи 17 - уми июн нашр шуд, вале баъдан бо дарки иштибоҳ, акси матолиб иваз шуд.
Ёдовар мешавем, ки ҳамсари раисҷумҳури Украина Владимир Зеленский мубталои маризии коронавирус шудааст.
Ҳамсари Зеленскийро фавран ба бемористон интиқол доданд
Чанд рӯз қабл расонаҳои ин кишвар хабар доданд, ки Елена Зеленский фавран ба бемористон интиқол ёфтааст ва таҳти назорати табибон қарор дорад.
Зимнан, худи президент ва фарзандони онҳо мубталои ин беморӣ нагардиданд.