ДУШАНБЕ, 22 май – Sputnik. Раиси шаҳри Душанбе Рустами Эмомалӣ, қарори навбатӣ дар бораи кам кардани арзиши иҷозати сохтмони бино ва иншоот дар пойтахтро ба имзо расонд, иттилоъ додааст дафтари матбуоти раиси шаҳри Душанбе.
Бино бар иттилои манбаъ, қарор бо мақсади рушди босуботи соҳаҳои иҷтимоию иқтисодии пойтахт ва ҷалби бештари сармоягузорӣ дар соҳаи шаҳрсозӣ қабул шудааст.
Дар қарор зикр мешавад, ки тартиб ва меъёрҳои пардохт барои додани иҷозати сохтмони бино ва иншоот дар пойтахти Тоҷикистон - шаҳри Душанбе тибқи замимаҳои 1 ва 2 тасдиқ карда шаванд.
Аммо дар қароре, ки имрӯз нашр шудааст гуфта нашудааст, ки арзиши иҷозатнома то чӣ андоза коҳиш хоҳад ёфт.
Бояд қайд кард, ки ширкатҳои сохтмонӣ, ки дар пойтахn фаъолият мекарданд, қаблан барои сохтмони як метри мураббаъ манзил ё нуқтаҳои фурӯш аз 165 то 220 сомонӣ (17-23 доллар) маблағ пардохт мекарданд.