ДУШАНБЕ, 4 мая — Sputnik. Киёнуши Ҷаҳонпур, раиси Маркази равобити умумӣ ва иттилоърасонии Вазорати беҳдошт, дармон ва омӯзиши пизишкии Эрон, рӯзи якшанбе дар гуфтугӯ бо хабарнигорон гуфт, дар 24 соати ахир дар кишвар 976 бемори ҷадид, ки гирифтори коронавирус шудаанд ба қайд гирифта шудааст, иттилоъ додааст хабаргузории “Парстудей”.
Вай ҳамчунин афзуд, ки то кунун, дар кишвар 97 ҳазору 424 нафар ба коронавирус мубтало шудаанд.
Мақомоти Эрон: шумори шифоёфтагон аз 75 ҳазор бештар шуд
Дар ҳамин ҳол, Ҷаҳонпур бо таасуф таъкид кард, ки дар 24 соати ахир дар Эрон 47 нафар ба сабаби коронавирус ҷони худро аз даст додаанд.
Ҳамзамон Ҷаҳонпур афзуд, ки мавориди фавти ношӣ аз коронавирус дар Эрон ба 6 ҳазору 203 нафар расидааст.