ДУШАНБЕ, 4 – апр Sputnik. "Хуаксин Ғаюр Семент", ки ба Гурӯҳи корхонаҳои "Ғаюр" шомил аст, ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 500 000 сомонӣ ҷудо намуд, хабар медиҳад агентии "Ховар".
Ба иттилои манбаъ, гурӯҳи корхонаҳои "Ғаюр" тадбирҳои роҳандозинамудаи Ҳукумати Тоҷикистонро доир ба пешгирии пайдоиш ва паҳншавии пандемияи сироятии COVID-19 дар қаламрави мамлакат пурра тарафдорӣ менамояд.
Ширкати чинӣ ба 100 донишҷӯи тоҷикистонӣ 1 миллион сомонӣ ҷудо кард
"Мо, аз ҷумла дар тамоми ширкатҳои Гурӯҳи корхонаҳои "Ғаюр", барои амалисозии чорабиниҳои маҷмаавии профилактикӣ ва санитарию гигиении қабулшуда кӯшиш ба харҷ медиҳем.
Гуфта мешавад, "Хуаксин Ғаюр Семент" фонди хайриявии "Ман Тоҷикистонро дӯст медорам" ташкил додааст, ки лоиҳаҳоеро, чун сохтмони мактабу кӯдакистонҳо, роҳҳову пулҳоро маблағгузорӣ менамояд.
Гурӯҳи корхонаҳои "Ғаюр" дар робита ба ин изҳор дошанд, ки дар рушди мамлакат ва беҳбудии ҷомеа саҳмгузорӣ менамоянд.