ДУШАНБЕ, 13 мар — Sputnik. Васоити ахбори оммаи Русия менависад, эҳтимол дар шаҳри Маскав дар робита ба маризии коронавирус карантин эълон шавад.
Зимнан, ба фаъолияти Марказҳои савдо, қаҳвахона ва тарабхонаҳо низ маҳдудият ҷорӣ мешавад.
Бар тибқи маълумотҳо, дар Маскав сар аз 20 - уми март карантин эълон хоҳад шуд. Бо ҷорӣ гардидани карантин, дар баробари маҳдудияти марказҳои савдо, тарабхонаю қаҳвахонаҳо ҳамчунин вуруди хориҷиҳо низ ба шаҳр муваққатан манъ карда мешавад.
"Рекорд": дар Русия шумораи гирифторони коронавирус якбора афзуд
Тадбири шадидтарин баста шудани нақлиёти ҷамъиятӣ, аз ҷумла метро ба ҳисоб меравад, аммо ба гуфтаи манбаъҳо, мақомот ин корро танҳо дар шароити мушкилтарин анҷом медиҳанд.
Ёдовар мешавем, ки шумораи гирифторони коронаиврус дар Русия рӯ ба афзоиш аст. То санаи 17 - уми март дар қаламрави ин кишвар 63 ҳолати гирифторшавӣ ба маризии коронавирус сабт гардидааст, ки 33 ҳолат ба шаҳри Маскав рост меояд.