Феълан иттилои баста шудани марзи Тоҷикистон ба шаҳрвандони 35 кишвар тасдиқ нашудааст, мегӯяд Дилшод Каримов, мудири ширкати Mountain Adventure Travel Тоҷикистон.
"Ба фикри ман ин ҳангомасозӣ ва дурӯғ аст. Ин мактубро аз номи оҷонсии граждании ҳавонавардии Тоҷикистон мунташир карданд, ки аслан муассисаи давлатӣ нест", - таъкид мекунад вай.
"Мо низ феълан мехоҳем ин хабарро дақиқ кунем, бовар кунед, ҳама дар изтиробем", - мегӯяд вай бо изҳори нигаронӣ.
Ба гуфтаи мудир, намояндагони ин ширкати сайёҳӣ аллакай бо раиси кумитаи сайёҳӣ, муовинони раиси кумита сӯҳбат кардаанд ва ба Вазорати умури хориҷаи Тоҷикистон низ занг задаанд: касе ин маълумотро тасдиқ ё инкор намекунад.
Вазир аз тарси мубталои коронавирус шудан, дасти Меркелро нафишурд - навор
Ба гуфтаи Каримов, раиси кумитаи сайёҳӣ Ширин Амонзода таъкид кардааст, ки иттилои мазкурро давоми рӯз месанҷанд.
Ба гуфтаи раиси ширкат, коргоҳи ӯ ташкили сафари гардишгаронро дар моҳи март лағв кардааст ва моҳи апрел низ чунин карданианд.