ДУШАНБЕ, 22 янв — Sputnik. Дар бинои ЮНЕСКО дар шаҳри Париж дар доираи намоишгоҳи мӯди байналмилалӣ Oriental Fashion Show Paris-2020 маросими супоридани ҷоиза ба тарроҳон сурат гирифт.
Тоҷикистонро дар ин чорабинии сатҳи ҷаҳонӣ тарроҳи маъруфи тоҷик Нафиса Имронова муаррифӣ мекард.
"Салом Тоҷикистони маҳбубам. Ман барои Шумо хабари бисёр хушоянд дорам. Бастаи либосҳое, ки дар намоишгоҳи мӯди Париж муаррифӣ намудем, соҳиби ҷоизаи ЮНЕСКО гардид", - изҳор намудаст Нафиса дар сафҳаи Instagram - и худ.
Дар намоишгоҳи мазкур дасти кам 35 тарроҳ аз кишварҳои Аврупо ва Осиё ширкат намуда, наздики 10 либос - дастранҷи худро ба намоиш мегузоштанд.