Дар наврои хабаргузории “Авеста” дида мешавад, ки сӯхторе, ки шаби 30 декабр дар ошхонаҳои "Сафо", "Сомониён", "Наврӯз" сар задааст, онҳоро комилан хароб кардааст.
Ба гуфтаи бархе аз шоҳидони ҳодиса ошхонаҳои ба коми оташрафта “Сафо” (“Ҳоҷиён”-и қаблӣ), “Сомониён” ва “Наврӯз”буданд ва сӯхтор як соат идома кардааст.
Ошхонаҳо хисороти ҷиддӣ дида, комилан тахриб шуданд. Бояд гуфт, ки яке аз манзилҳои истиқоматӣ низ дар қафои ошхона аз сӯхтор зарар дидааст.
То ҳол сабабҳои сӯхтор маълум нест ва низ эълон нашудааст, ки оташсӯзӣ аз кадом яке аз ин ошхонаҳо оғоз шудааст. Кумитаи ҳолатҳои фавқулоддаи Тоҷикистон мегӯяд, ки комиссияи махсус сабабҳои оташсӯзӣ ва ҳаҷми хисоротро маълум мекунад.
Бояд қайд кард, ки ин ошхонаҳо дар яке аз маҳаллаҳои пуриздиҳоми атрофи бозори "Саховат" ҷойгир мебошанд.