ДУШАНБЕ, 14 дек — Sputnik. Ба ақидаи аъзои ин ҳайат тарғиботҳои пешазинтихоботии депутатҳои Палатаи қонунбарори Олий Маҷлиси Ҷумҳурии Узбакисстон ва ниҳодҳои маҳаллӣ дар чаҳорчӯби қонунгузориҳо ва меъёрҳои байналмилалӣ мегузаранд.
Ёдовар мешавем, ки як гурӯҳи маҳдуди нозирони ИДМ таҳти раёсати Екатерина Голоулина дар Узбакистон қарор доранд. Гуфта мешавад, ки онҳо аз қитъаҳову ҳавзаҳои интихоботии шаҳру ноҳияҳои дилхоҳи худ боздид ба амал меоваранд, бо аъзоёни комиссияҳои он дар бораи тартиби баргузории интихобот ва раъйдиҳии мардум саволу ҷавоб карда, раванди маъракаҳои пешазинтихоботиро таҳти назорат қарор медиҳанд.
Намояндагони Комиссияи марказии интихобот ва раъйпурсии Тоҷикистон ба Беларус мераванд
Ахиран, ин ҳайат роҷеъ ба натиҷаи мушоҳидаҳои худ Комиссияи марказии интихоботро огоҳ намуд ва бо ироаи як ҳисобот ибрози қаноатмандӣ кардааст, ки ҳамаи талабот риоя мешаванд ва Узбакистон ба ин маъракаи муҳими сиёсӣ комилан омода мебошад.
Бино ба гуфтаи Екатерина Голоулина, ҳайати нозирони ИДМ 17-уми декабр дар таркиби пурра вориди Ӯзбекистон хоҳанд шуд ва ҷараёни маъракаҳои интихоботӣ дар шаҳру ноҳияҳои ҷумҳуриро назорат хоҳанд кард.