ДУШАНБЕ, 9 дек - Sputnik. Дилошӯб Орифзода, яке аз коргардонони филми мустанади “Шӯроб”, ки дар ин ҷашнвора ба намоиш гузошта шудааст, дар барномаи “Кишвари мавриди таваҷҷӯҳ: Тоҷикистон”, 12 филми синамогарони тоҷик рӯйхат шудаанд.
“Ба ҷуз филми мустанади ману Далери Эмомалӣ – “Шӯроб”, як мустанади дигари Далер – “Умарако”, филмҳои достонии кӯтоҳи “Чарха” ва “Марги маҳсус” – и Беҳрӯз Давлатбеков, “Такси” – и Файзуллоҳ Файз, “Бархӯрд” – и Фирдавси Нину, “Меҳрубонӣ” – и Муҳаммадрабӣ Исмоилов, “Дӯғоб” – и Зайнулобиддини Мӯсо, “Паноҳгоҳ” – и Диловар Султонӣ, “Дид аз чашми паранда” ва “Боздоштшудагон” – и коргардони тоҷики муқими Амрико Хушнуда Шукурова, ки солҳои 2018 – 2019 эҷод шудаанд, дар ин барнома ба намоиш гузошта мешаванд” – таъкид кардааст вай.
Илова бар барномаи махсус, филми мустанади “Умарако” дар барномаи аслии мусобиқаи мустанадҳои ҷашнвораи филм дар қатори ҳашт филм аз Миёнмар-Бангладеш, Ҳинд, Ҷопон, Туркия ва Тоҷикистон қарор гирифтааст.
15 – умин Ҷашнвораи байнулмилалии филмҳои кӯтоҳ ва мустақили Бангладеш (15th Short and Independent International Film Festival of Bangladesh), ки дар шаҳри Дакка, пойтахти он кишвар 7 – уми декабр шурӯъ шуд, то 13 декабр идома меёбад.