Дар намоишгоҳи авиатсионии Дубай чархболи низомии мусофиркашони русии Ми-38 ба намоиш гузошта шуд. Онро на танҳо дар корҳои махсус, балки дар барномаҳои тобистона низ истифода мекунанд.
Чархболи Ми-38 машинаи “люкс” дониста мешавад ва диққати шайхҳои арабро ҷалб кардааст. Ми-38-ро ба шоҳзодаи Абу Даби вазири саноат ва савдои Русия Денис Мантуров намоиш додааст.
Муҳаммад ибни Зайд Ал-Нахайян ва Мантуров якҷоя дохили чархболро тамошо кардаанд.
Чархболи Ми-38 на танҳо барои муштариёни VIP пешбинӣ шудааст. Ин чархбол барои бисёр корҳост: онро метавон ба сифати мошинаи “госпиталӣ”, боркаш ва ҷустуҷӯи истифода кард.
Ми-38 метавонад дар дилхоҳ ҳарорати ҳаво чӣ дар шимол, чӣ дар минтақаи тропикӣ фаъол бошад. ИАА, ки бештар техникаҳои амрикоӣ харидорӣ мекарданд, ҳоло ба навъҳо русӣ назар кардаистодаанд.
Ба ҷуз Ми-38 дар намоишгоҳи ИАА ҳамчунин Як-130 буд, ки он муваффақтарин мошинаи ҷангии даҳсолаи охир дониста мешавад.