ДУШАНБЕ, 15 ноя — Sputnik. Тибқи иттилои ВУД Тоҷикистон, ҳодиса баъди зуҳри 14-уми ноябр, тақрибан соати 15:30 дақиқа рух додааст.
Манбаъ афзуд, ки дар пайи чорабиниҳои оперативӣ-ҷустуҷӯӣ аз ҷониби кормандони милиса марди 47-сола, сокини шаҳри Хуҷанд бо гумони расонидани зарари вазнин ба саломатӣ дастгир карда шуд.
“Номбурда, рӯзи 14-уми ноябр, тахминан соати 15:30-дақиқа, дар ҳудуди бозори “Панҷшанбе”-и шаҳри Хуҷанд бо марди 31-солаи сокини шаҳри Гулистон аз сабаби муноқишаи ба миён омада, ҷангу ҷанҷол карда, 1-маротиба бо корд ба шикамаш задааст”, - омадааст дар иттилоияи ВУД.
Мақомоти умури дохилӣ афзуданд, ки дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.
Ба иттилои ВУД, нисбати муттаҳам бар асоси моддаи 110 қисми 1-и Кодекси ҷиноии Тоҷикистон, барои расондани зарари вазнини ҷисмонӣ, парванда оғоз карда шуда, тафтишот идома дорад.