ДУШАНБЕ, 23 окт — Sputnik. Ба иттилои сомонаи Варзиш, мавқеи Тоҷикистон дар радабандии нави Федератсияи байналмилалии футбол як зина поён рафта, дар байни 211 кишвар бо 1168 имтиёз дар ҷойгоҳи 116-ум қарор гирифтааст.
Тоҷикистон дар байни дастаҳои мунтахаби миллии Осиё, ки ба Конфедератсиони футболи Осиё шомиланд, мақоми 22-юмро соҳиб шудааст.
Мавқеи Тоҷикистон дар радабандии ҷаҳонӣ муайян шуд
Дар Осиё Эрон дар мақоми аввал ва дар ҷаҳон бошад бо 1505 имтиёз дар зинаи 27-ум қарор дорад.
Феҳрасти ФИФА аз соли 1993 ба ин сӯ тартиб дода шудааст. Натиҷаи беҳтарини мунтахаби Тоҷикистон дар тамоми таърихаш дар радабандии ФИФА ҷойи 106-ум дар моҳи июни соли 2013 ва натиҷаи бадтаринаш ҷойи 180-ум дар соли 2003-юм мебошад.
Мавқеи Тоҷикистон дар Феҳристи шиносномаҳо поёнтар шуд
Феҳрасти ояндаи ФИФА 24-уми ноябр нашр хоҳад шуд.