ДУШАНБЕ, 17 окт — Sputnik. Доналд Трамп раисҷумҳури Амрико афзудааст, ки ҳарчанд ҷонибдори тахриб нашудани иқтисодиёти Туркия бошад ҳам, вале амалкарди раисҷумҳури он кишвар интихоби дигареро барои ӯ боқӣ намондаст.
Трамп расман аз раисҷумҳури Туркия Раҷаб Тайиб Эрдуғон талаб намудаст, ки ба ҳамалоти низомии кишвараш дар хоки Сурия нуқта гузорад, хабар медиҳад сомонаи CNN.
Бар хабари манбаъ, раисҷумҳури Амрико, бо ҳамин дархост унвонии Эрдуғон нома фиристодаст.
"Биёед, як созишномаи хуберо ба даст орем. Чун шумо намехоҳед дар қатли ҳазорҳо афроди мулкӣ масъул бошад ва ман низ ҷонибдори пош додани иқтисодиёти кишваратон нестам, аз ин рӯ ба ҳамалоти низомӣ дар Сурия хотима гузоред. Ҷавони сангдил ва аҳмақ нашавед", - афзудаст Трамп дар мактубаш.
Манбаъ меафзояд, ки ҳақиқӣ будани номаи Трамп ба Эрдуғонро котиботи Қасри сафед Стефан Гриш низ тасдиқ кардааст.
Ёдовар мешавем, ки сар аз рӯзи 9 октябри соли равон бо амри раисҷумҳури Туркия ҳамалоти низомӣ дар шимоли Сурия шурӯъ шуд.
Эрдуғон: Туркия ҳамеша дар паҳлӯи Тоҷикистон хоҳад буд
Эрдуғон ин амалиётро "Манбаи сулҳ" номида, ҳадафи онро мубориза алайҳи Давлати исломӣ ва гурӯҳҳои мусаллаҳи курдӣ арзёбӣ кард.