ДУШАНБЕ, 27 сен — Sputnik. Ба иттилои дафтари матбуоти Вазорати умури дохилии Тоҷикистон ҳодиса рӯзи 25 - уми сентябри соли ҷорӣ дар шаҳри Ваҳдат рух додаст.
Манбаъ меафзояд, кормандони милитсия ноболиғи 16 - соларо дастгир намуданд, ки зимни муноқиша бо як навраси дигар, ӯро бо олоти оҳанин сахт маҷрӯҳ намудаст.
Сабти 21,9 ҳазор ҷиноят: қонуншикании калонсолон каму аз ноболиғон зиёд шуд
Зикр мегардад, ки писарбачаи 16- солаи сокини деҳаи Нурофари шаҳри Ваҳдат, хонандаи синфи 11 - уми МТМУ, бо ҷавони 18 - солаи сокини деҳаи Гирдоб ҷангу ҷанҷол намуда, бо олоти оҳанин як маротиба ба қисмати шикамаш задааст.
Оташ маро фаро гирифт: Осия ба модараш аз бераҳмии ноболиғон шикоят кард
ВУД тавзеҳ медиҳад, ки ҷабридида ҷароҳати вазнини ҷисмонӣ бардошта, дар беморхона бистарӣ гардидааст.
Феълан аз рӯйи ин ҳодиса тафтишот идома дорад.