ДУШАНБЕ, 21 сен — Sputnik. Тибқи иттилои Ожонс, айбдоршавандаҳо - Шарипова Мадина Пирмаҳмадовна, назоратчӣ-прапоршики бригадаи 6593-и Сарраёсати иҷрои ҷазои ҷиноятии Вазорати адлия ва Раҷабалӣ Сангов, сардори шуъбаи таъминоти ҳуқуқӣ ва котиботи Вазорати маорифи ва илми Тоҷикистон мебошанд, ки дар қаллобӣ муттаҳам мешаванд.
Бар асоси иттилоияи нашркардаи Ожонс, Мадина Шарипова, ки ҳамчун назоратчӣ-прапоршики бригадаи 6593-и Сарраёсати иҷрои ҷазои ҷиноятии Вазорати адлияи Тоҷикистон кор мекардааст, бо маслиҳати пешакӣ бо шаҳрванд Матлуба Ахмедова ва сардори шуъбаи таъминоти ҳуқуқию котиботи Вазорати маорифи ва илм аз шаҳрванд “А” 1500 доллари амрикоӣ гирифта, байни худ тақсим намудаанд.
Ожонс тавзеҳ дод, ки гумонбаршавандаҳо тахминан моҳҳои январ-марти соли 2019 аз шаҳрванд “А” барои ба Донишгоҳи технологии Тоҷикистон барқарор намуданаш маблағи 1500 доллари ИМА талаб карда, гирифтаанд.
“Дар натиҷаи ин кирдори номбурдагон ба шаҳрванд “А” зарари калони моддӣ расонида шуд”, - омадааст дар иттилоия.
Парвандаи ҷиноӣ алайҳи мансабдор ва миёнарав дар Душанбе барои пулгирӣ
Ожонс таъкид намуд, ки аз рӯи ин ҳолат нисбати Шарипова, Ахмедова ва Сангов бар асоси моддаи моддаи 247-и Кодекси ҷиноӣ парванда оғоз карда шуда, тафтишот идома дорад.
Феълан назари афроде, ки Ожонс онҳоро дар қаллобӣ муттаҳам мекунад, дар бораи ин қазия маълум нест.