ДУШАНБЕ, 18 сен — Sputnik. Додситони олии Узбакистон аз ҳалокати ду нафар шаҳрвандон, ки аз роҳи ғайриқонуни ба истихроҷи тилло машғул буданд, хабар медиҳад.
Додситонӣ меафзояд, резиши сангпораҳо бегоҳи рӯзи 17 - уми сентябр дар ҳудуди кони тиллоии минтақаи "Каракутон" рух додаст.
Ширкати “ТАЛКО Голд” оид ба истеҳсоли сурма дар шимоли Тоҷикистон калонтарин дар Осиёи Миёна аст
Ду нафар аз қонуншиканон дар ҷойи ҳодиса ҷон бохтанд ва ҳамраҳи онҳоро пас аз берун овардан аз зери сангпораҳо ба бемористон интиқол доданд.
Бояд тазаккур дод, ки раисҷумҳури Узбакистон Шавкат Мирзиёев моҳи ноябри соли 2018 қарореро ба тасвиб расод, ки тибқи он сар аз 1 - уми марти соли равон истихроҷи тилло барои фарди инфиродӣ низ иҷозат дода мешавад
Ҳалокати ин ду нафар дар кони тилло дар Узбакистон маротибаи нахуст набуда, ҳанӯз соли 2007 дар як ҳодисаи ба ин монанд ду нафар коргарон ҷон аз даст доданд.
Гузашта аз ин соли 2015 дар ноҳияи Оҳангарони Тошканд бар асари таркиш дар комбинати металургӣ дасти кам 25 нафар ба ҳалокат расида буданд.
Роҳбари ширкати “Талко Голд” ба Аҳмадзода чӣ ваъда дод?
Маврид ба зикр аст, ки Узбакистон ба даҳгонаи бузургтарин кишварҳои истихроҷкунандаи тилло шомил мешавад. Соли гузашта дар Узбакистон 88,5 тонна тилло истихроҷ карда шуд.