ДУШАНБЕ, 9 сен — Sputnik. Қаҳрамони UFC дар вазни сабук Ҳабиб Нурмуҳаммедов дар миёни корбарони Instagram, маҳбубтарин фарди рус дониста шуд.
Шумораи алоқамандон ва мухлисони Нурмуҳаммедов дар муқоиса бо ҳаводорони овозхон ва барандаи яке аз шабакаҳои телевизионии Русия - Олга Бузова бештар шудаст.
Қаблан Олга Бузова дар шабакаи Instagram аз лиҳози теъдоди зиёди ҳаводоронаш пешгом буда, шумораи умумии ҳамвандони ӯ ба 16 миллиону 300 ҳазор нафар баробар буд.
Акнун Ҳабиб бо 16 миллиону 400 ҳазор обуначӣ аз Бузова пеш гузашта, маҳбубтарин фарди рус дар ин шабакаи иҷтимоӣ дониста шуд.
Рушди қавии ҳамвандони Нурмуҳаммедов пас аз ғалабаи охиринаш, бар варзишкори амрикоӣ Дастин Пуаре мушоҳида шуд.
Размикори доғистонӣ рақибашро дар даври сеюм аз усули буғикунӣ мағлуб намуд.