ДУШАНБЕ, 1 сен — Sputnik. Тибқи иттилои дафтари матбуоти ҳукумати вилояти Хатлон, дар ин маркази хизматрасонӣ, коргоҳи дӯзандагӣ, кошонаи ҳусн, сартарошхона, таъмири пойафзол, ҳаммом ва ошхона ҷой гирифта, беш аз 40 нафар бо ҷойи кори доимӣ таъмин гардиданд.
“Устои пояфзолдӯз Юсуфалӣ Сафаров дар утоқи барҳавои тозабунёд ва дорои шароити мусоид ба фаъолият оғоз намуд. Ҳамчунин 12 нафар бонувони маҳал бо мошинҳои дарздӯзӣ ба омода намудани либосҳои мактабӣ шурӯъ намуданд”, - омадааст дар иттилоия.
Ҳамчунин нахуствазири Тоҷикистон дар деҳаи Шӯрчашмаи Ҷамоати деҳоти ба номи Худоёр Раҷабови ноҳияи Восеъ муассисаи таҳсилоти миёнаи умумии №32-ро ифтитоҳ кардаст.
Котиботи ҳукумати Хатлон мегӯяд, мактаби мазкур аз ҷониби бародарон Қурбоновҳо барои 240 нафар дар як баст бунёд гардида, дари хешро дар арафаи соли нави хониш барои хонандагон боз намуд.
Сафари Қоҳир Расулзода ба вилояти Хатлон рӯзҳои 27-28 август ба истиқболи 28-умин солгарди Истиқлолияти давлатӣ сурат гирифта, сарвазир аз шаҳру ноҳияҳои Данғара, Темурмалик, Восеъ ва Кӯлоб дидан кард.