ДУШАНБЕ, 28 авг — Sputnik. Тибқи иттилои Вазорати умури дохилӣ, чӯпон дар исрофкорӣ ва азонихудкунии чорвои калон муттаҳам мешавад. Манбаъ афзуд, маъмурини милисаи ноҳияи Бобоҷон Ғафуров марди 33-солаи сокини шаҳри Ҳисорро ҳамчун гумонбар дар содир намудани ҷинояти азонихудкунӣ ё исрофкорӣ дастгир намуданд.
“Номбурда, рӯзи 25-уми августи соли 2019 барои нигоҳубин кардани чорвои марди 24-солаи сокини шаҳри Хуҷанд вазифадор карда шудааст, вале номбурда 3-сар чорвои калони шохдорро, ки арзиши умумиашон 18 000 сомониро ташкил медиҳад, азонихуд намуда, ба эҳтиёҷоташ сарф намудааст”, - омадааст дар иттилоия.
ВУД таъкид намуд, ки феълан алайҳи муттаҳам бар асоси моддаи моддаи 245 қисми 2-и Кодекси ҷиноии Тоҷикистон оғоз карда шуда, тафтишот идома дорад.
Ин дар ҳолест, ки ахиран хабарҳо дар бораи дуздии чорво дар Тоҷикистон зиёд расонаӣ мешаванд. Қаблан мақомоти Тоҷикистон болоравии нархи гӯштро дар бозор ба афзоиши нархи чорво ва гарон шудани нархи хӯроки чорво рабт доданд.