ДУШАНБЕ, 14 авг — Sputnik. Рӯзи 8-уми августи соли равон, сайёҳи хориҷӣ, шаҳрванди Австралия Алфредо Стефан Ричард, соли таваллудаш 1973, дар ноҳияи Мурғоби вилояти Мухтори Кӯҳистони Бадахшон бо дучарха ба санг бархӯрда, ҷароҳатҳои вазнини ҷисмонӣ бардошт, иттилоъ додааст дафтари матбуоти ВУД Тоҷикистон.
Бино бар иттилои манбаъ, номбурда ба шуъбачаи милитсияи сайёҳии Шуъбаи милитсия доир ба масъалаҳои экологии ВУД занг зада хабар додааст, ки ба садама дучор шудааст ва аз онҳо кӯмак мехоҳад.
Кормандони милитси фавран ба ҷои ҳодиса барои наҷоти сайёҳи хориҷӣ равон мешаванд.
Дар 11 моҳ беш аз 56 ҳазор сайёҳ аз Хуҷанд дидан кардаанд
Кормандони милитсияи сайёҳӣ дар ВМКБ саёҳи хориҷиро пайдо намуда ба ӯ ёрии таъҷилӣ мерасонанд.
“Сипас кормандони милитсия бо автомашина сайёҳӣ номбурдаро ба шаҳри Хоруғ оварда, баъд бо дастгирии милитсияи сайёҳӣ ӯро ба шаҳри Душанбе интиқол доданд”, таъкид намудааст манбаъ.
Манбаъ зик намудааст, ки сайёҳи хориҷӣ, Алфредо Стефан Ричард, ки шаҳрванди Австралия мебошад ба кормандони милитсияи сайёҳӣ барои кӯмак ва дастгирӣ миннатдории самимии худро изҳор намуд.