ДУШАНБЕ, 13 авг — Sputnik. Бино бар иттилои дафтари матбуоти мақомоти вилояти Суғд, Раҷаббой Аҳмадзода, раиси вилоят дар оғози машварат таъкид кард, ки имрўзҳо сокинони вилоят барои дар сатҳи баланд таҷлил намудани ҷашни таърихии 30-солагии Истиқлолият софдилона заҳмат мекашанд.
Вай афзудааст, ки ба истиқболи ин ҷашни миллӣ то соли 2021 беш аз 6500 иншооти гуногун бунёд ва ба истифода дода хоҳад шуд.
Зимни машварати корӣ мансабдорони вилоят ба раиси вилоят иттилоъ доданд, ки бо маблағгузорӣ аз сарчашмаҳои гуногун то имрўз 2780 иншоот сохта ба истифода дода шудааст.
Раиси вилояти Суғд идгардак кард: Аҳмадзода ба аёдати шоир Мирзоаҳмади Ҷӯразод рафт
Дар ҳамин ҳол, Раҷаббой Аҳмадзода, ба масъулин ва шахсони ба шаҳру ноҳияҳо вобасташуда дастур дод, ки иҷроиши нақшаи барномаҳоро назорат карда, барои бо сифати баланд сохтани иншооти ҷашнӣ чораҷӯӣ намоянд.
Ҳамзамон ба раисони шаҳру ноҳияҳо супориш дода шуд, ки барои иҷрои нақшаи кишти такрорӣ, баланд бардоштани ҳосилнокӣ, таъмин намудани кишоварзон бо оби полезӣ, рушди моҳипарварӣ ва занбўриасалпарварӣ тадбирҳои зарурӣ андешанд.