ДУШАНБЕ, 9 авг — Sputnik. Писари собиқ раисҷумҳури Қирғизистон хабари боздошт шудани бародари худро чунин шарҳ додааст:
"Халқи мӯҳтарами қирғиз, ҳеҷ кас маро боздошт накардааст. Агар дар бораи паҳн шудани хабари боздошти бародарам мехоҳед маълумот гиред, пас бародари ман Сейитбек барои бозпурсӣ ба идораи пулис даъват шуд ва билфосила ӯро ҷавоб доданд", - навиштааст Сейтек Отамбоев дар Instagram.
Отамбоеви хурдӣ аз мардуми Қирғизистон даъват намуд то ба иғвоангезӣ дода нашаванд, хабар медиҳад Sputnik Қирғизистон
Ёдовар мешавем, ки бегоҳи 7- уми август дастаи таъиноти махсус ба хотири боздошт намудани собиқ раисҷумҳури ин кишвар ба бошишгоҳи ӯ зада даромаданд, аммо зуд ноком шуданд.
Зеро ҷонибдорони Отамбоев барои боздошт шудани ӯ муқобилият нишон дода бо низомиёни дастаи таъиноти махсус вориди даргир шуданд.
Дар натиҷа бар асари тирпарронӣ дасти кам як нафар ҳалок ва даҳҳо тани дигар ҷароҳатдор шуда ба бемористон интиқол дода шуданд.
Жээнбеков гуфт: Отамбоев дигар на ҳамчун шоҳид, балки гумонбар аст
Маъмурони амниятӣ танҳо дар рӯзи дуюми амалиёт тавонистанд Отамбоевро боздошт кунанд, зеро худи ӯ ба маъмурони милитсия таслим шуд.
Феълан Отамбоев то 26- уми август дар боздошт мемонад ва алайҳи ӯ тибқи ду моддаи Кодекси ҷиноятии Қирғизистон парвандаи ҷиноӣ боз гардидааст.