ДУШАНБЕ, 6 авг — Sputnik. Бар хабари вазорати нақлиёти Тоҷикистон, барои амалӣ шудани 11 лоиҳаи вобаста ба сохтмон ва тармими роҳу пулҳо 497,1 миллион доллар ҷудо гардидааст.
"11 лоиҳа ба маблағи 497,1 миллион доллар барои соҳаи нақлиёт ихтисос дода шудааст", - гуфта мешавад дар хабари ин вазорат.
Дар шаш моҳ дар вилояти Суғд беш аз ҳазор километр роҳ таъмир шудааст
Ба иттили манбаъ, ба феҳрасти лоиҳаҳое,ки мавриди назар қарор гирифта шудаанд, бозсозии роҳҳои Душанбе-марзи Узбакистон - марҳилаи 2, Бохтар - Душанбе - марҳилаҳои 1 ва 2, Кангурт - Балҷувон-Ховалинг ва ғайра мебошанд.
Зимнан дар доираи лоҳиаи мазкур сохтмони нақбу пулҳо низ ба назар гирифта шудааст.
Покистон долонoҳои зиддитарма месозаду ширкати IRS не: интиқоди вакилон аз ширкат
Ба маълумоти Вазорати нақлиёти Тоҷикистон, маблағгузории лоиҳаҳо асосан аз ҳисоби грантҳо ва қарзҳои созмонҳои байналмилалии молиявӣ амалӣ карда мешавад.