ДУШАНБЕ, 6 авг — Sputnik. Роҳбарони аморатҳои гуногун, ки ба тобеияти Аморати Муттаҳидаи Араб шомил мешаванд, тасмим гирифтаанд, дар арафи Иди Қурбон гуноҳи беш аз ҳазор маҳбусонро бахшанд ва онҳоро мавриди авф қарор диҳанд, хабар медиҳад ожонсии иттилоотии WAM.
Танҳо дар Дубай 430 зиндонии милллатҳои гуногун ва дар Шарҷа бошад ба озодӣ баромадани 400 маҳбуси дигар дар назар аст. Ҳамзамон 208 зиндонӣ аз маҳбасхонаи аморати Рас-ал- Хайма ва 70 тани дигар дар Аҷмон ба озодӣ мебароянд.
Қаблан хабар дода шуд, ки президенти Аморати Муттаҳидаи Араб Халифа бин Зойид Олӣ Наҳён ба муносибати Иди Қурбон 669 нафар маҳбусро афв намуд.
Ба гуфтаи додситони олии Аморати Муттаҳидаи Араб Ҳамадал ал-Шамсӣ, мавриди авф ҳамчунин маҳбусоне қарор гирифтанд, ки барои терроризм ва ифротгароӣ зиндонӣ шуда дар муассисаҳои махсуси ислоҳӣ адои ҷазо намуда буданд.
Раисҷумҳур бахшида ба иди саиди Фитр беш аз 200 маҳбусро авф кард
Маврид ба зикр аст, ки имсол мусалмонони тамоми дунё санаи 11- уми август Иди Қурбонро ҷашн мегиранд.