ДУШАНБЕ, 3 июл — Sputnik. Абдунабиев Муъминҷон, ҳангоми ҳаракат дар роҳ аз ӯҳдаи идораи мошинаш набаромад дар наздикии ошхонаи “Матаиб”-и ноҳияи Бобоҷон Ғафуров як дучархаронро пахш намудааст, иттилоъ додааст дафтари матбуоти Вазорати умури дохилаи Тоҷикистон.
Бино бар иттилои манбаъ, ҳодисаи мазкур 30 июни соли равон тахминан соати 09:10-дақиқа рух додааст.
Аз мошин даст кашед ба дучарха гузаред: Кумитаи ҷавонон ҳамоиши дучархаронӣ эълон кард
“Ронандаи автомашинаи “Опел-Астра”, Абдунабиев Муъминҷон Қурбонҷонович, соли таваллудаш 1984, сокини шаҳраки Бӯстон, ҳангоми ҳаракат дар шоҳроҳи “Бобоҷон Ғафуров-Ҳуҷанд”, дар наздикии ошхонаи “Матаиб”-и ноҳияи Б.Ғафуров, аз ӯҳдаи идораи воситаи нақлиёт набаромада, дучархарон, Қаҳҳоров Комилбой, соли таваллудаш 1967, сокини ноҳияи зикргардидаро пахш намудааст”, таъкид намудааст ВУД Тоҷикистон.
Ёди қурбониён: веломарафон то макони ҳамла ба сайёҳон ва гузоштани муҷассамаи дучарха
Дар ҳамин ҳол манбаъ қайд намудааст, ки дар натиҷа, дучархарон ҷароҳати ҷисмонӣ бардошта, дар беморхона бистарӣ гардид, аммо 1-уми июли соли равон, номбурда вафот кардааст.
Дучарха бирон: дар Тоҷикистон Рӯзи ҷаҳонии бидуни мошин қайд мешавад
ВУД Тоҷикистон зикр намудааст, ки дар ҳоли ҳозир ҳодисаи мазкур аз тарафи кормандони ҳифзи ҳуқуқ мавриди таҳқиқ қарор дорад.