ДУШАНБЕ, 25 июн — Sputnik. Тавре дафтари матбуоти раисҷумҳур хабар додааст, имрӯз дар рӯзи дуюми сафари корӣ ба водии Рашт, Президенти Тоҷикистон Эмомалӣ Раҳмон барои шиносоӣ бо вазъи зиндагии мардум ва ифтитоҳи як қатор иншооти нав ба ноҳияи Тоҷикобод ташриф овард.
Бино бар иттилои манбаъ, дар фурудгоҳи муваққатии ноҳияи Тоҷикобод Эмомалӣ Раҳмонро сокинони ноҳия гарму самимӣ истиқбол намуданд.
Ёдрас мешавем, ки сафари кории раисҷумҳури Тоҷикистон дирӯз аз ноҳия Сангвор оғоз ёфта буд. Инчунин роҳбари кишвар 24 июни соли равон ба ноҳияи Нуробод низ сафар карда буд.
Зимни сафари корӣ Эмомалӣ Раҳмон дар ифтитоҳи як қатор иншоотҳои муҳим иштирок намуда бо сокинони ноҳияи Сангвор ва Нуробод мулоқот анҷом дода буд.
Тавре дафтари матбуоти раисҷмуҳур хабар дода буд сафари кории Президенти кишвар ба ноҳияҳои водии Рашт ба хотири иштирок дар тантанаҳои идона ба истиқболи 22-юмин солгарди Рӯзи Ваҳдати миллӣ ва ифтитоҳи як қатор иншооти дорои таъиноти гуногун, инчунин ба хотири суҳбату вохӯриҳои судманд бо сокинони ноҳияҳои водии Рашт сурат гирифтааст.