ДУШАНБЕ, 16 июн — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон 15 июн дар Қасри Миллат ба Си Ҷинпин мукофоти давлатии Тоҷикистон - “Ордени Зарринтоҷ дараҷаи 1”-ро дар вазъияти тантанавӣ тақдим кард.
Далели тақдими ордени давлатии дараҷаи 1 ба Си Ҷинпинро дафтари матбуоти раисиҷумҳури Тоҷикистон “хизматҳои барҷаста дар таҳким бахшидани муносибатҳои байнидавлатӣ, тавсеаи робитаҳои дӯстона ва ҳусни ҳамҷаворӣ байни халқҳои тоҷику чин, рушди ҳамкории мутақобилан судманди иқтисодию тиҷоратӣ ва фарҳангию башардӯстӣ байни Ҷумҳурии Тоҷикистон ва Ҷумҳурии Мардумии Чин” арзёбӣ кардааст.
Қаблан ордени “Зарринтоҷ дараҷаи 1” ба Маҳмадсаид Убайдуллоев ҳангоми гуселаш аз мақоми шаҳрдори Душанбе тақдим гардида буд.
Рустами Эмомалӣ ҷойгузини Маҳмадсаид Убайдуллоев дар мақоми шаҳрдорӣ низ соли гузашта ордени “Зарринтоҷ дараҷаи 2” гирифта буд.