ДУШАНБЕ, 15 мая – Sputnik. Бино бар иттилои дафтари матбуоти ҳукумати вилояти Суғд ахиран як гурӯҳ намояндагони ҷамоатҳои шаҳраку деҳот ва раисони маҳаллаҳои шаҳри Хоруғи ВМКБ ба ноҳияи Мастчоҳ ташриф оварданд.
Тавре манбаъ қайд намудааст, фаъолони ВМКБ тӯли чанд рӯз бо ҷараёни корҳои ободониву созандагӣ дар ноҳия Мастчоҳ шинос гардиданд.
Тибқи иттилои масъулини шуъбаи рушди иҷтимоӣ ва робита бо ҷомеаи дастгоҳи раиси ноҳия ҳайати меҳмонон ҳамзамон бо фаъолияти кории раисони маҳаллаҳо мулоқот намуданд.
Манбаъ зикр намудааст, ки намояндагони Бадахшон ҳамчунин аз нозирони минтақавии ҷамоатҳои шаҳраку деҳоти ноҳия ошноӣ пайдо намуда, бо тассуроти хотирмон ба ВМКБ баргаштанд.