ДУШАНБЕ, 21 мар — Sputnik. Пагоҳ, 22 марти соли 2019, соати 18:00, дар Муассисаи давлатии “Наврӯзгоҳ”-и пойтахт ба ифтихори ҷашни Наврӯзи байналмилалӣ таҳти унвони “Ганҷи наврӯзӣ” намоиши театрикунонидашуда баргузор мешавад, иттилоъ дафтари матбуотии Вазорати фарҳанги Тоҷикистон.
Ба иттилои манбаъ, дар барномаи ҷолиби консертӣ ҳунарпешагони ансамблҳои “Лола”, “Зебо”, “Гулрез”, “Ситора”, “Ҷаҳоноро”, “Парасту”, “Дарё”, “Новая Эра” ҳунарнамои мекунанд.
Ҳамчунин ансамбли фолклорӣ- этнографии “Хутал”-и вилояти Хатлон, Театри мусиқӣ-мазҳакавии ба номи Ато Муҳаммадҷонови шаҳри Бохтар, ҳунарпешагони ансамбли “Фалак” — и шаҳри Кӯлоб, ҳунарпешагони бахши Раёсати фарҳанги ВМКБ, ансамбли давлатии “Шашмақом” ба номи Фазлиддин Шаҳобов, ансамбли “Славяне”-и Донишгоҳи славянии Россияву Тоҷикистон, ансамбли эстрадии “Ориё” ҳунарнамоӣ мекунанд.
Дар ин барнома барандаи ҷоизаи озмунҳои байналмилалӣ Даниэл Рустамов бо ҳунарнамоии худ табъи тамошобинонро хуш мегардонад.