ДУШАНБЕ, 13 мар – Sputnik. 29 марти соли равон дар шаҳри Душанбе иҷлосияи ҳаждаҳуми Маҷлиси миллии Маҷлиси Олии Тоҷикистон даъвати панҷум баргузор мегардад, дар ин бора қарори Маҳмадсаид Убайдуллоев раиси палатаи болоии Парлумони кишвар ба имзо расидааст.
Тибқи қарори мазкур дар иҷлосия Қонуни Тоҷикистон “Дар бораи берун баровардан ва ворид намудани сарватҳои таърихӣ”, қонунҳо доир ба ворид намудани тағйиру иловаҳо ба Қонунҳои Тоҷикистон “Дар бораи мубориза бар зидди коррупсия”, “Дар бораи масъулияти падару модар дар таълиму тарбияи фарзанд”, “Дар бораи хизмати давалатӣ” ва ва як қатор қонунҳои дигари қабулнамудаи Маҷлиси намояндагони Маҷлиси Олии Тоҷикистон баррасӣ хоҳад гардид.
Инчунин дар ҷараёни иҷлосия дар назди аъзои Маҷлиси миллӣ Прокурори генералии Тоҷикистон “Дар бораи назорати риояи дақиқ ва иҷрои якхелаи қонунҳо дар ҳудуди Тоҷикистон” ҳисобот медиҳад.