ДУШАНБЕ, 24 янв — Sputnik. Тибқи иттилои бахши робита бо ҷомеаи Хадамоти федералии амният – “ФСБ”, ҳукми додгоҳ дар мавриди 11 шаҳрванд, зодаҳои кишварҳои Осиёи Марказӣ 23 январ содир шуд.
Манбаъ афзуд, ки барои узвият дар созмони террористии “ДОИШ”, 6 нафар аз 14 то 18 сол ва боқимонда барои 6-солӣ равонаи зиндон гардиданд.
Тибқи иттилоияи расмӣ, маҳкумшудаҳо шомили ду гуруҳ будаанд, ки аз ҷониби “ФСБ” моҳи ноябри соли 2016 дар Маскав ва Санкт Петербург боздошт гардидаанд.
Яке аз маҳкумшудаҳо аз Сурия омадааст ва ба иттилои мақомоти Русия онҳо қасди анҷоми таркишу қатли оммавӣ ва наворбардории онро доштанд.
“ФСБ” таъкид кардааст, ки гуноҳи маҳкумшудаҳо дар омодагӣ ба террор, иштирок дар созмонҳои террористӣ, таълим бо ҳадафҳои террористӣ, нигоҳдории ғайриқонунии силоҳ ва маводи тарканда исбот шудааст.