ДУШАНБЕ, 22 янв - Sputnik. Давоми соли 2018 дар вилояти Хатлон 69 корхона ва коргоҳи нави саноатӣ бунёд шуда, 955 нафар ба ҷойи кор таъмин гаштаанд, иттилоъ додааст хабаргузории Tajikistantimes.com.
Бино бар иттилои манбаъ, корхонаҳои саноатии вилояти Хатлон ҳаҷми истеҳсоли маҳсулотро дар якҷоягӣ бо бахши хусусӣ дар соли 2018 ба 6,7 милиард сомонӣ расонидаааст.
Ин нишондиҳанда дар муқоиса ба соли 2017 ба қадри 838 миллион сомонӣ зиёд мебошад.
Тибқи иттилои манбаъ, қарор аст, то ҷашни 30-солагии Истиқлолияти Тоҷикистон дар вилояти Хатлон 232 корхонаи нави саноатӣ бунёд гардад.
Дар маҷмӯъ дар давоми се соли оянда дар вилояти Хатлон бунёди 6 ҳазор иншооти гуногун дар назар аст.