ДУШАНБЕ, 7 янв — Sputnik. Дар ҷануби Тоҷикистон дар вилояти Хатлон модари тоҷик ва се фарзандашро, ки дар ҳодисаи Магнитогорск ба ҳалокат расида буданд, ба хок супурданд.
Ҷанозаи Раҷабмо Исоеваи 24-сола ва се фарзандаш Аҳмадҷони 6-сола, Фотимаи 4-сола ва Саймуҳсиддини 3-сола рӯзи 6 январ аз Екатеринбург ба Душанбе интиқол дода шуд.
"Дар фурудгоҳи Душанбе шахсони расмӣ ба наздикони ҳалокшудагон изҳори ҳамдардӣ карданд", - хабар додаанд аз Вазорати меҳнат ва шуғли аҳолии Тоҷикистон.
Модар ва се фарзандашро пас аз намози ҷаноза ба оромгоҳи деҳаашон ба хок супориданд.
Ба маросими видоъ бо ҳалокшудагон сокинон аз гӯшаву канорҳои Кушониён, намояндагони ҳукумати шаҳр, роҳбарони раёсатҳои Вазорати муҳоҷират ва намояндагони Вазорати умури дохила ширкат карданд.