ДУШАНБЕ, 20 дек — Sputnik. Бино бар иттилои Вазорати умури дохилаи Тоҷикистон, кормандони милится писарбачаи 15-солаи сокини ноҳияи Ш.Шоҳин, дастгир намуданд, ки ба таври ғайриқонунӣ "Опел-Астра"-ро рабудааст.
Манбаъ таъкид намудааст, ки ахиран ба ШВКД-2 дар ноҳияи Сино аризаи марди 28-солаи сокини шаҳри Душанбе ворид гардидааст, ки шаби 18 ба 19-уми декабри соли равон, тахминан соати яки шаб, ҳангоми дар кӯчаи Клагенфурти пойтахт қарор доштанаш, шахси номаълум автомашинаи шахсиаш тамғаи "Опел-Астра"-ро ғайриқонунӣ рабудааст.
“Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғ, писарбачаи 15-солаи сокини ноҳияи Ш.Шоҳин, бо гумони ғайриқонунӣ ҳай карда бурдани воситаи нақлиёт бидуни мақсади тасарруф дастгир карда шуд”, - иттилоъ додааст манбаъ.
Дар ҳоли ҳозир кормандони ВУД Тоҷикистон ҳодисаи мазкурро таҳти тафтишот қарор додаанд.
Ёдрас мешавем, ки ахиран кормандони вазорати умумри дохилаи Тоҷикистон ду нафар ҷавонро дастгир намуданд, ки дар рабудани мошин дар шаҳри Душанбе айбдор мешаванд
Ин ду нафар рӯзи 18-уми декабри соли равон, тахминан соати чори шаб, шахсони номаълум бо тариқи пинҳонӣ аз назди хонаи истиқоматиаш автомашинаи шахсиаш тамғаи "Опел-Ашка"-ро, ки арзишаш 30 ҳазор сомониро ташкил медиҳад, рабудаанд.