ДУШАНБЕ, 6 дек — Sputnik. Дар Тоҷикистон тафтишоти парвандаи қотили писарчаи 3-сола, ки гумонбаршуда бибии худи марҳум мебошад, идома дорад, иттилоъ додааст хабаргузории ТоҷикТА.
Ин фоҷеа 12 сентябри соли ҷорӣ ба вуқуъ пайваста буд. Бибӣ набераашро зинда ба зинда зери хок кардааст, ки писарчаи 3 сола ба ин тоб наоварда ба ҳалокат расидааст.
Ҷасади писарчаро танҳо баъди шаш рӯзи нопадид гаштани ӯ пайдо карда буданд.
Додситони вилояти Хатлон тасдиқ кардааст, ки бибии писарчаи кушташуда мувофиқи моддаи 104-и Кодекси ҷиноии Тоҷикистон дар ин воқеа гунаҳкор дониста мешавад.
Қайд шудааст, ки агар додгоҳ гуноҳи ӯро тасдиқ кунад бибии марҳум ба муҳлати аз 8 то 15 сол аз озодӣ маҳрум карда мешавад. Ҳукми додгоҳ ҳафтаи оянда эълон карда мешавад.