ДУШАНБЕ, 16 окт — Sputnik. Низомиёни пойгоҳи 201-уми Русия ба хонаи куҳансолони ноҳияи Ёвони вилояти Хатлони Тоҷикистон кӯмаки башардӯстона расониданд, иттилоъ додааст дафтари матбуоти Вазорати дифоъи Русия.
Боздид аз хонаи куҳансолон ба муносибати рӯзи байналмилалии пиронсолон, ки ҳамасола дар аввали моҳи октябр таҷлил мегардад, сурат гирифт. Низомиён Русиябарои ҳар як бошандаи ин хона 70 бастаи қанодӣ, оварданд.
Ғайр аз ин, табибони низомӣ барои куҳансолон маводҳои санитарию гигиенӣ барои беморони кам ҳаракату хобида пешниҳод намуданд. Инчунин низомиёни Русия либосу пойафзол низ тақдим карданд.
Ёдовар мешавем, ки чанде пеш Маркази илмию фарҳангии Русия ва Калисои православии Рус дар Тоҷикистон ба хонаи мазкур кӯмаки башардӯстона расонида буданд.