ДУШАНБЕ, 7 сен — Sputnik. Тибқи иттилои Кумитаи миллии олимпии Узбакистон, мусобиқа дар вазни мутлақ бо иштироки 40 паҳлавон баргузор гардида, ба даври ниҳоӣ ду варзишгари Узбакистон — Бекмурод Олтибоев ва Шералӣ Ҷӯраев расиданд.
Ҷӯраев бо пирӯзӣ дар даври ниҳоӣ унвони қаҳрамон ва 50 ҳазор доллар ва Олтибоев барои мақоми дуюм 25 ҳазор доллар мукофотпулӣ гирифт.
Ба соҳибони медали биринҷӣ — Темур Раҳимов аз Тоҷикистон ва Аслан Камбиев аз Русия 10 ҳазор долларӣ супорида шуд.
Манбаъ афзуд, ба иштирокдороне, ки ҷойи аз 5 то 8 гирифтанд дар ҳаҷми 1250 долларӣ мукофотпулӣ супорида шуд.
Дар Узбакистон 6 сентябр рӯзи Кураш, навъи миллии варзиш эълон шудааст.