ДУШАНБЕ, 15 авг — Sputnik. Аҳтам Абдуллозода, раиси Кумитаи кор бо ҷавонон ва варзиши Тоҷикистон, таъкид кардааст, ки ҳоло дар хориҷ аз кишвар беш аз 30 ҳазор ҷавони тоҷик таҳсил мекунанд.
«Сиёсати дарҳои кушод барои ҳар як ҷавон имконият фароҳам овардааст, ки ба донишкадаву донишгоҳи Тоҷикистон ё давлатҳои хориҷа озодона дохил шаванд", — изҳор доштааст ӯ.
Вай таъкид намудааст, ки ҷавонон баъд аз хатми донишгоҳ дар хориҷ аз кишвар метавонанд, дубора ба Ватан баргарданд ва ба фаъолияти меҳнатӣ пардозад.
Вай гуфт ҳоло шумораи ҷавононе, ки дар хориҷи кишвар таҳсил менамояд беш 30 ҳазор нафарро ташкил медиҳанд.
Инчунин Аҳтам Абдуллозода гуфт, ки дар Тоҷикистон дар ҳоли ҳозир 39 муассисаи таҳсилоти олӣ фаъолият доранд, ки дар онҳо беш аз 190 ҳазор ҷавонон ба таҳсил фаро гирифта шудаанд.