ДУШАНБЕ, 28 июл — Sputnik. Дар ин бора сомонаи Федератсияи футболи Тоҷикистон хабар додааст.
Ба иттилои манбаъ Хуршед Мирзо, ноиби президенти Федератсияи футболи Тоҷикистон, 27 июл, зимни ифтитоҳи майдончаи варзишӣ дар Хоруғи боло дар ҳузури сокинон ва раиси ВМКБ изҳор дошт, ки майдонҳои футбол дар маркази вилоят бо ташаббуси Рустами Эмомалӣ бунёд мешаванд.
Ӯ афзуд, ки раёсати Федератсияи футболи Тоҷикистон бар ин аст, ки Бадахшон ҷавонони боистеъдоди зиёд дорад ва бояд барои онҳо шароити хуби тамрин фароҳам карда шавад.
Тибқи иттилои мақомоти иҷроияи ВМКБ, дар маҷмуъ ФФТ бунёди се майдончаи дигарро ваъда кардааст.