ДУШАНБЕ, 23 июл — Sputnik. Ба иттилои ВУД Тоҷикистон, дар натиҷаи муноқишаҳои оилавӣ сокини шаҳри Исфара бародари 50 солаи худро 2 маротиба корд задааст.
Ба гуфтаи манбаъ марди 44-солаи сокини ҷамоати деҳоти Шаҳраки шаҳри Исфара, дар ҳавлии истиқоматии бародари 50-солааш ҷангу ҷанҷол намуда, бо корди хоҷагӣ 2-маротиба ба шикамаш задааст.
"Дар натиҷа, бародараш ҷароҳати вазнини ҷисмонӣ бардошта дар беморхона бистарӣ гаштааст", иттилоъ додааст ВУД Тоҷикистон.
Дар ҳоли ҳозир кормандони пулиси Тоҷикистон ҳодисаи мазкурро пайгирӣ доранд.