ДУШАНБЕ, 23 июл — Sputnik. Бино ба иттилои Осорхонаи миллии Тоҷикистон, 25 июли соли равон дар осорхона намоиши асарҳо аз эҷодиёти рассомони вилояти Суғд баргузор мегардад.
Манба таъкид мекунад, ки намоиши мазкур ба соли рушди сайёҳӣ ва ҳунарҳои мардумӣ бахшида мешавад.
Намоиш 25 июли соли равон соати 10 оғоз гардида, дар он офаридаҳои рассомон, аз қабили мусаввараҳо, кундал ва ҳайкалтарошӣ ба тамошо гузошта мешаванд.
Ба иттилои манбаъ, ташаббускорони намоиш Муассисаи давлатии "Осорхонаи миллии Тоҷикистон" ва Осорхонаи таърихии вилояти Суғд мебошанд.
Манбаъ таъкид намудааст, ки намоиши эҷодиёти рассомони вилояти Суғд 25 июл оғоз ёфта, то 15 августи соли 2018 идома меёбад.