ДУШАНБЕ, 19 июл — Sputnik. Тавре Ҷамшед Аҳмадзода, раиси Кумитаи меъморӣ ва сохтмони Тоҷикистон, 19 июл зимни нишасти матбуотӣ дар Душанбе иттилоъ дод, як мактаб дар Самарқанд барои 640 ҷои нишаст ва дигаре дар Фарғона барои 300 ҷои нишаст бунёд мегардад.
Ба гуфтаи Аҳмадзода, Узбакистон низ дар навоҳии Спитамен ва Қубодиён мактаб бунёд мекунад.
Ӯ афзуд, ки созиш дар ин бора моҳи марти соли равон ҳангоми сафари Шавкат Мирзиёев, раисиҷумҳури Узбакистон ба Тоҷикистон ҳосил шуда, аллакай миёни мақомоти умури сохтмону меъмории ду кишвар созишнома баста шуд.