ДУШАНБЕ, 16 июл — Sputnik. Тибқи иттилои Вазорати умури хориҷии Тоҷикистон, Сироҷиддин Муҳриддин рӯзҳои 20 – 22 июл, дар соҳили кӯли баландкуҳ, дар ҳамоиши вазирони умури хориҷии кишварҳои Осиёи Миёна иштирок мекунад.
Вазири тоҷик бо ҳамтоёнаш аз Қазоқистон, Қирғизистон, Узбекистон ва Туркманистон иҷрои созиши сарони давлатҳои Осиёи Миёнаро дар бораи густариши ҳамкорӣ, ки моҳи марти соли равон дар Остона ҳосил шуданд, баррасӣ хоҳанд кард. Инчунин вазирони умури хориҷии Осиёи Марказӣ масоили мубрами байналмилалиро муҳокима мекунанд.
Баҳси ҳамкориҳои минтақавӣ дар ҳолест, ки Эмомалӣ Раҳмон, раисиҷумҳури Тоҷикистон моҳи марти соли равон дар мулоқоти сарони кишварҳои Осиёи Марказӣ дар Остона гуфт, минтақа имкониятҳои зиёд барои ҳамгироӣ ва ҳамкорӣ дорад, ки бояд истифода шаванд.