ДУШАНБЕ, 9 июл — Sputnik. Дар давоми 26 соли охир Амрико барои Тоҷикистон наздик ба 2 миллиард доллар кумак кардааст, гуфтааст кордори сафорати Амрико дар Тоҷикистон Кевин Коверт зимни суханрониаш бахшида ба ҷашни истиқлолияти кишвараш, иттилоъ додааст вебгоҳи сафорати Амрико дар Тоҷикистон.
Инчунин ба гуфтаи Кевин Коверт дар тӯли 26 соли охир 500 ҳазор нафар ҷавонони Тоҷикистон, аз ҳашт Маркази Амрикоӣ дидан намудаанд.
Ба гуфтаи вай рақамҳои зикршуда тамоми ҳамкориҳои Тоҷикистону Амрикоро фаро намегиранд ва фарохтар аз он мебошанд.
Лозим ба ёдоварист, ки сафири нави ИМА ҳоло таъйин нашудааст. Дар ҳоли ҳозир муовини сафир Кевин Коверт ҳамчун кордори сафорат пас аз рафтани сафир Элизабет Миллард таъйин шудааст.