ДУШАНБЕ, 10 май — Sputnik. Қарор аст, аз 13 то 17 май рӯзҳои фарҳанги Белорус дар Тоҷикистон баргузор шавад, хабар медиҳад Вазорати фарҳанги Белорус.
Қарор аст, ансабли далавлатии академикии хореографии "Хорошки", ҳунарманди мардумии Белорусия Алена Ланский ва ҳунарманди хизматнишондодаи ин кишвар Владимир Громов ба Тоҷикистон биёяд.
Дар рӯзҳо фарҳанг намоиши музеи таърихии миллӣ "Белорус ва белорусҳо" ва намоиши рӯзҳои синамо баргузор хоҳад шуд. Имкониятҳои ҷаҳонгардии Белорусро Аҷонсии миллии сайёҳӣ ва Вазорати варзиш муаррифӣ хоҳад кард.
Маросими ифтитоҳи рӯзҳои фарҳанги Белорус дар Тоҷикистон 16 май баргузор хоҳад шуд.
Ҳайати расмии Белорусро вазири фарҳанги Белорус Юрий Бондар ҳамроҳи хоҳад кард.
Пештар хабар дода шуд, ки раисҷумҳури Белорус Александр Лукашенко ба Тоҷикистон сафар мекунад.
Ба гузориши Вазорати умури хориҷаи Тоҷикистон, Раисҷумҳури Белорус Александр Лукашенко 14 май ба Тоҷикистон сафар карда, то 16 май дар кишвар мемонад.