ДУШАНБЕ, 22 мар — Sputnik. Раисҷумҳур Нурсултон Назарбаев аз Самарқанд дидан кард, хабар медиҳад хадамоти матбуоти сарвари Қазоқистон
Назарбоев тасмим гирифт, ки мардуми Узбакистонро бо Наврӯз табрик кунад. Меҳмони олиқадрро раисҷумҳури Узбакистон Шавкат Мирзиёев ба ҳузур пазируфт.
Мулоқот дар кохи "Форумлар мажмуаси" (Маҷмуаи форумҳо) дар Самарқанд баргузор шуд. Ҷонибҳо дараҷаи иҷрои қарордодҳое, ки байни ду кишвар баста шуда буданд, баррасӣ намуданд.
Ҳарду роҳбар ба маҷмааи "Хазрати Хизр", ки дар Самарқанд воқеъ аст, ташриф оварданд. Роҳбари Қазоқистон ба хотираи рӯҳи аввалин раисҷумҳури Узбакистон Ислом Каримов мақбараи ӯро зиёрат кард ва дар болои он гул гузошт. Ҳамчунин дар сари қабри Ислом Каримав сураҳо аз Қуръони Маҷид тиловат карда шуданд.
Сипас Назарбоев ва Мирзиёев маконҳои таърихии Самарқандро тамошо карданд.
Ёддовар мешавем, ки Наврӯз ҷашни баробаршавии шабонарӯз дар баҳор аст, ки охирёбии зимистон ва шурӯъшавии баҳор, эҳёи табиат ва тамоми мавҷудоти зинда, оғози давраи нави кишоварзӣ буда, ҳангомест, ки зарурати омода намудани замин барои кишти навро дорад.
Моҳи феврали соли 2010 Ассамблеяи генералии СММ 21-уми мартро Рӯзи байналмилалии Наврӯз эълом дошта, аз тамоми давлатҳои узви Созмон даъват шудааст, ки ҳама кӯшиши худро баҳри густариши ин ҷашни бостонӣ дар кулли олам, ба харҷ диҳанд.