ДУШАНБЕ, 26 янв — Sputnik. Ёддоштҳои табодулии дарёфти корафзорҳои пешрафтаи пулисиро дирӯз вазири умури хориҷии Тоҷикистон Сироҷиддин Аслов ва сафири Ҷопон дар ҶТ Хаҷиме Китаока имзо карданд.
Бино ба иттилоъи дафтари иттилоърасонии вазорати умури хориҷии Тоҷикистон, ин тарҳ дар чорчӯби ёриҳои бебозгашти Ҳукумати Ҷопон аз рӯи Барномаи рушди иқтисод ва ҷомеъа амалӣ хоҳад шуд.
Аслов ва Китаоке ин ёддоштҳоро дар раванди дидори вазири умури хориҷии Тоҷикистон бо ҳайъате аз ВУХ Ҷопон ба раҳбарии Тошиҳиро Аики, намояндаи вижаи Токион дар кишварҳои Осиёи Марказӣ имзо карданд.
Ҳайъати намояндагони Ҷопон барои ширкат дар ройзаниҳо миёни коршиносони аршади вазоратҳои умури хориҷии ду кишвар ва ҷаласаи навбатии Гуфтугӯи “Осиёи Марказӣ + Ҷопон” ба Душанбе омадаст.