ДУШАНБЕ, 5 май — Sputnik. Сарвазирони Русия ва Беларус Михаил Мишустин ва Александр Турчин ҳамкории ду кишвар ва татбиқи лоиҳаҳои муштаракро баррасӣ карданд.
Дар ин бора Хадамоти матбуоти ҳукумати Русия хабар дод.
Ба иттилои манбаъ, ҷонибҳо ба тавофуқ расиданд, ки ҳамкориро дар доираи Давлати Иттиҳод ва Иттиҳоди иқтисодии АвруОсиё (ИИАО) боз ҳам тақвият диҳанд.
Масоили тақвияти ҳамкориҳо дар ин ду Созмон Михаил Мишустин ва Александр Турчин ахиран дар як сӯҳбати телефонӣ баррасӣ намуданд.
"Сарони ҳукуматҳо масоили ҷории ҳамкории тиҷоратӣ, иқтисодӣ, илмӣ ва технологӣ байни Русия ва Беларусро баррасӣ карданд ва ба тавофуқ расиданд, ки ҳамгироиро дар дохили Давлати Иттиҳод ва Иттиҳодияи иқтисодии АвруОсиё тақвият диҳанд", - хабар дод хадамоти матбуот пас аз музокирот.
Ҳукумати Русия шарҳ доданд, ки сарони ду ҳукумат инчунин татбиқи лоиҳаҳои бузурги муштараки иқтисодӣ дар Русия ва Беларусро баррасӣ карданд.
Ёдовар мешавем, ки Иттиҳоди иқтисодии Авруосиё (ИИАО) - созмонест, ки дар он Русия нақши барҷаста дорад ва ин созмон Қазоқистон, Қирғизистон, Белорус, Арманистон ва Русияро муттаҳид месозад.
Иттиҳоди иқтисодии АвруОсиё – ташкилоти байналмилалии иқтисодӣ буда, барои босамар пешравии ҷараёни иттифоқи гумрукӣ ва минтақаи озоди иқтисодӣ ва боз барои иҷрокунии дигар мақсадҳо ва вазифаҳое ки бо ҷараёни интегратсиони дар соҳаи иқтисодӣ ва башардӯстона вобаста мебошанд, таъсис шудааст.