ДУШАНБЕ, 13 апр – Sputnik. Гардиши моли вилояти Калининград бо Тоҷикистон дар як сол 34% афзоиш ёфтааст.
Дар ин бора Хадамоти матбуоти ҳукумати минтақа ба “Калиниград.Ru” хабар доддаст.
Ба иттилои манбаъ, дипломатҳои Тоҷикистон ахиран аз ин минтақа боздид карда, дар бораи рушди ҳамкорӣ сӯҳбат карданд.
“Мо ба мувофиқа расидем, ки суръати ҳамкорӣ афзоиш ёбад, ҳамкории саноатӣ рушд ёбад ва лоиҳаҳои муштарак дар соҳаҳои сайёҳӣ ва кишоварзӣ роҳандозӣ шаванд. Губернатор Алексей Беспрозванних гуфт, ки мо манфиатдории худро барои тақвияти нақшаҳои худ бо созишномаи ҳамкорӣ дар сатҳи минтақавӣ тасдиқ кардем”, - гуфт ӯ.
Ғайр аз ин ба иттилои мақомоти ин вилояти Русия, Калининград ба таъмини мутақобилаи маҳсулоти қаннодӣ манфиатдор аст.
Ҳамчунин қайд карда шудааст, ки Тоҷикистон инчунин омода аст, ки содироти меваю сабзавоти хушкро афзоиш диҳад.
Ба гуфтаи губернатори Калиниград, ба наздикӣ Маркази савдои BRICS ифтитоҳ мешавад. Ин марказ ба рушди шарикӣ мусоидат хоҳад кард.
"Мо интизорем, ки ин на танҳо як платформаи тиҷоратӣ, балки маркази рушди робитаҳои башардӯстона байни минтақаи мо ва кишварҳои BRICS хоҳад буд", - қайд кард губернатор.